د ملي تدارکاتو اداري پيژندنه
د ملي تدارکاتو ادارې او ملي تدارکاتو کمېسیون په اړه لومړني مالومات ترلاسه کولو لپاره لاندې لینک کلیک کړۍ.
ویډیولینک
د ملي وحدت حکومت له جوړیدو وروسته د تحول او اصلاحاتو په خاطر د عامه ادارو د سمون لپاره تر ټولو مهم ګام د عامه تدارکاتو د نظام اصلاح غوره وګڼل شوه، تر څو په دي برخه کي فساد له مینځه ولاړ، روڼتیا تآمین، د مالي او عامه لګښتونو د چارو اغیزمن کنترولول،عامه تدارکاتو د کارونو لپاره بنسټیز نظام برابرول، د هیواد اقتصاد په خپلو پښو ودرولول، د لګښتونو سپما او په دي لاره کي بهتره خدمتونه د عامه تدارکاتو په وسیله برابر کړی شي.
په همدي اساس د افغانستان د اسلامي جمهوریت د جمهور رئیس د ۱۶ حکم له مخي چي د ۱۳۹۳/۷/۲۰ نیټي خپور شو، د ملي تدارکاتو اداره د جمهوري ریاست د چارو ادارې لوی ریاست په چوکاټ کي جوړه شوه چي د تدارکاتو د پالیسۍ پخوانۍ اداري ((PPU، د قراردادونو د تنظیمولو اداري (CMO) او د افغانستان د پرمختیا او بیارغونی خدمتونو اداري (ARDS) دندي او واکونه پر غاړه لري.
همداراز وروسته د افغانستان د اسلامي جمهوریت د ولسمشر ۶۰ فرمان چي د ۱۳۹۳/۱۱/۲۱ او ۷۲ فرمان له مخي چي د ۱۳۹۳/۱۲/۱۳ نیټي خپور شو د تدارکاتو پخوانی خاص کمیسیون د ملي تدارکاتو په کمیسیون ترفیع شو. نوموړی کمیسیون د افغانستان د اسلامي جمهوریت د جمهور رئیس تر ریاست لاندې په لاندي ترکیب سره جوړ شو.(۱) د افغانستان اسلامي جمهوریت اجرائیه رئیس (۲) د افغانستان د اسلامي جمهوریت د جمهور رئیس دوهم مرستیال (۳) بنسټیزو چارو کې د ولسمشر ستر سلاکار (۴) د مالیی وزیر (۵) د اقتصاد وزیر (۶)د عدلیی وزیر.
د ملي تدارکاتو ادارې په چوکاټ کې لاندې څلور ریاستونه د تدارکاتو د نظام د پیاوړتیا، روڼتیا او برترۍ لپاره هلي ځلي تر سره کوي. (الف) د تدارکاتو د پالیسي ریاست (ب) د تدارکاتي اسانتیاوو ریاست (ج) د ملي تدارکاتو کمېسیون د دارالانشاء ریاست (د) قراردادونو دتطبیق د څارنې ریاست.
. نور ولولئ